سمعت قصت واحد في السجوني
يقول ذبح السيف يالناس هايبه
يقول افضل بالرصاص اقتلوني
والعين ملفوف عليها عصايبه
لعل بعض العرب ما يعرفوني
ودي لو التنفذ والشمس غايبه
انتم عرفتم قصتي وارحموني
اخشى على ابوي تلحقه عايبه
لو يعرف اني مروج للفيوني
ولو يدري اني للمسلمين جايبه
ومدمن حشيش ومثقل بالديوني
يدعي على ودعوة العود صايبه
ولا تخبرون اللي بطبعه حنونى
الوالده اخاف تكثر مصايبه
اخاف لادرت يصيبها جنوني
اوتصبح عليله عاله على شايبه
من ضاع عقله ماتفيد العيوني
والعقل من مد الكريم وهايبه
واللي جرح قلبي وزوداطعوني
روحي عليه من العام ذايبه
وجماعتي من انسجنت اقطعوني
وكيف الفتى ينسى من اقرب قرايبه
كله سبايب شلة ضيعوني
وصار الثمن راسي وفوقه نصايبه
حسبي عليهم شله ضيعوني
والموت حان وقربوا لي ركايبه
ومشيت في درب السراب مغبوني
وعقول البهايم بين الاكواخ سايبه
الله يرميهم مثل مارموني
موت المهونه شلتي هم جلايبه
ماطعت يوم الطيبين انصحوني
ولا ينصح الانسان لاحبايبه
يالله وامرك بين كاف ونوني
خلقتني من بين صلبه وترايبه
عوض على دنياي واحسن ظنوني
واغفر لمن نفسه عن الشر تايبه
يالي حضرتم مقتلي سامحوني
وهذي نهاية قصتي مع سبايبه
من خلال الابيات وجود فيه التوبه والندم والحسره على هذه التفريط الذى ا لبه الى هذا المصير
الله يرحمه