سكرة الموت
جاني وانا في وسط ربعي وناسي
جاني نشلني مثل ما ينشل الناس
مني نشل روح تشيل الماسي
تشتكي من ايام الشقى تشتكي الياس
اثر الالم في سكرة الموت قاسي
ماهالني مثله وانا انسان حساس
وجابو كفن ابيض مقاسه مقاسي
ولفوا به الجسم المنحط مع الراس
وشالون اربع بالنعش متواسي
عليه ومغطى على جسمي الباس
وصلوا على وكلهم فى ماسي
ربعي ومعهم ناس من كل الاجناس
يا كيف سوى بعدنا تاج راسي
وامي الحبيبه كيف سوى بها الباس
اسمع صدى صوت يهز الرواسي
قولوا لها لا تلطم الخد يا ناس
قولوا لها حق وتجرعه كاسي
لا تحترق كل يبي يجرع الكاس
اصبحت في قبري ولابه مواسي
واسمع قريع نعولهم يوم تنداس
وعلى رد الروح مع قرع الاجراس
هيكل غريب وقال ليه التناسي
صوته رهيب وخلفه اثنين حراس
واقف يقول ان كنت (يانمر)ناسي
هذي هي اعمالك تقدم بكراس
ياليتني فكرت قبل انغماسي
بالغفله اللي منتهاها اللافلاس
من هول ما شفته وقف شعر راسي
وانهارت اعصابي ولا رد الانفاسي
وفزيت من نومي على صوت ناسي
واصرخ واقول (الموت)واحذر الناس
الشاعر/نمر الحربي رحمة الله عليه واسكنه فسيح جناته
موضوع: سكرة الموت 
الجمعة مارس 07, 2008 6:04 am
